1. ವೈಜ್ಞಾನಿಕ ಅಧ್ಯಯನ(Scientific Study):
ನಮಗೆ ಇಲ್ಲಿಯವರಿಗೆ ಲಭ್ಯವಿರುವ ವೈಜ್ಞಾನಿಕ ಅಧ್ಯಯನದ ಪ್ರಕಾರ, ಚಂದ್ರಗ್ರಹಣವು ಗರ್ಭಿಣಿ ಮಹಿಳೆಯರ ಅಥವಾ ಗರ್ಭದಲ್ಲಿರುವ ಶಿಶುವಿನ ಆರೋಗ್ಯದ ಮೇಲೆ ಯಾವುದೇ ನೇರ ಪರಿಣಾಮ ಬೀರಿದೆ ಎನ್ನುವುದಕ್ಕೆ ಸಾಕ್ಷ್ಯಗಳಿಲ್ಲ, ಅದೆಲ್ಲ ಮನುಷ್ಯನ ಕಟ್ಟು ಕಲ್ಪನೆ . ಚಂದ್ರಗ್ರಹಣದ ಸಮಯದಲ್ಲಿ ಯಾವುದೇ ಹಾನಿಕಾರಕ ಕಿರಣಗಳು ಭೂಮಿಗೆ ಬರುವುದಿಲ್ಲ.ಅಂದರೆ ನಾವು ವೈದ್ಯಕೀಯ ದೃಷ್ಟಿಯಿಂದ ನೋಡಿದರೆ ಗರ್ಭಿಣಿಯರು ಪ್ರತಿನಿತ್ಯದಂತೆ ತಮ್ಮ ದಿನಚರಿಯನ್ನು ಮುಂದುವರಿಸಬಹುದು.

ಋಣಾತ್ಮಕ ಪರಿಣಾಮಗಳು:
2.ಮಾನಸಿಕ ಬದಲಾವಣೆಗಳು (Negative):
ಚಂದ್ರಗ್ರಹಣದ ಬಗ್ಗೆ ಹಿರಿಯರು ಋಣಾತ್ಮಕವಾಗಿ ಹೇಳುವ ಮಾತುಗಳಿಂದ ಕೆಲವು ಮಹಿಳೆಯರಲ್ಲಿ ಭಯ ಮತ್ತು ಆತಂಕ ಹಾಗೂ ಒತ್ತಡವನ್ನು ಉಂಟುಮಾಡುತ್ತದೆ.
ಅನಗತ್ಯ ನಿಯಮಗಳು: ಚಂದ್ರಗ್ರಹಣದ ಸಮಯದಲ್ಲಿ ಊಟ ಸೇವನೆ ನಿಲ್ಲಿಸುವುದು, ನೀರು ಕುಡಿಯದೆ ಇರುವುದು, ಒರಗಡೆ ಓಡಾಡುವಹಾಗಿಲ್ಲ,ಮನೆಯನ್ನು ಸ್ವಚ್ಛ ಮಾಡುವ ಹಾಗಿಲ್ಲ ಇತ್ಯಾದಿ ಕ್ರಮಗಳಿಂದ ಆರೋಗ್ಯಕ್ಕೆ ಸ್ವಲ್ಪ ಪ್ರಮಾಣದಲ್ಲಿ ಹಾನಿ ಉಂಟುಮಾಡುತ್ತವೆ.
ನಿದ್ದೆ ಮಾಡದಿರುವುದು: ಗರ್ಭಿಣಿ ಮಹಿಳೆಯರು ,ಅಥವಾ ಅನಾರೋಗ್ಯ ವ್ಯಕ್ತಿಗಳು ಚಂದ್ರಗ್ರಹಣದ ಸಮಯದಲ್ಲಿ ನಿದ್ದೆ ಮಾಡದೇ ಎಚ್ಚರದಿಂದ ಇರುವುದರಿಂದ ದೈಹಿಕವಾಗಿ ಸುಸ್ತು ಅಥವಾ ನಿದ್ರಾಹೀನತೆ ಆಗಬಹುದು.

ಇದೆಲ್ಲ ಋಣಾತ್ಮಕ ಕಾರ್ಯಗಳ ನಡುವೆ ಕೆಲವೊಂದು ಧನಾತ್ಮಕ (positive effects)ಪರಿಣಾಮಗಳು :
ಆದ್ಯಾತ್ಮಿಕ ಶಾಂತಿ : ಕೆಲವರು ಮನೆಯಲ್ಲಿಯೇ ಧ್ಯಾನ,ಪ್ರಾರ್ಥನೆ ಮಾಡುವುದರಿಂದ ಮನಃಶಾಂತಿ ಪಡೆಯುತ್ತಾರೆ.
ಕುಟುಂಬದ ಬೆಂಬಲ:ಗ್ರಹಣದ ಸಮಯದಲ್ಲಿ ಕುಟುಂಬದವರು ವಿಶೇಷ ಕಾಳಜಿ ವಹಿಸುವುದರಿಂದ ಮಹಿಳೆಗೆ ಭದ್ರತೆ ಅನಿಸುತ್ತದೆ.

ಚಂದ್ರಗ್ರಹಣದ ಸಮಯದಲ್ಲಿ ಗರ್ಭಿಣಿಯರು ಪಾಲಿಸಬೇಕಾದ ಅರೋಗ್ಯ ಸಲಹೆಗಳು :

• ಯಾವುದೇ ಮೂಢನಂಬಿಕೆಗಳಿಗೆ ನಿಮ್ಮನ್ನು ಒಳಪಡಿಸಬೇಡಿ, ಮತ್ತು ಭಯ ಪಡಬೇಡಿ.
• ವೈದ್ಯರ ಸಲಹೆ ಇಲ್ಲದೆ ಆಹಾರ ಮತ್ತು ನೀರು ತ್ಯಜಿಸಬೇಡಿ.
  ಔಷಧಿಗಳನ್ನು ಸಮಯಕ್ಕೆ ತೆಗೆದುಕೊಳ್ಳಿ .
• ಮನಸ್ಸಿಗೆ ನೆಮ್ಮದಿ ಕೊಡುವ ಚಟುವಟಿಕೆಗಳಲ್ಲಿ ತೊಡಗಿರಿ.
• ಮುಖ್ಯವಾಗಿ ನ್ಯೂಸ್ ಚಾನಲ್ಗಳನ್ನು ನೋಡಬೇಡಿ. ಅಲ್ಲಿ ಅನವಶ್ಯಕ ಮಾಹಿತಿ ಕೊಡುತ್ತಿರುತ್ತಾರೆ, ಅದು ನಿಮ್ಮ ಮನಸ್ಸಿನ ಮೇಲೆ ನೇರ ಕೆಟ್ಟ ಪರಿಣಾಮ ಬೀರುತ್ತದೆ.