9 Signs and Symptoms of Type 2 Diabetes ಟೈಪ್ 2 ಮಧುಮೇಹದ 9 ಸೂಚನೆ ಮತ್ತು ಲಕ್ಷಣಗಳು.

1. ಅತಿ ಹೆಚ್ಚು ಮೂತ್ರ ವಿಸರ್ಜನೆ:
ನಮಗೆ ಮಧುಮೇಹ ಇದೆ ಇಂದು ಗೊತ್ತಾಗುವುದರ ಮೊದಲ ಲಕ್ಷಣ ಇದು.
ನಾವು ರಾತ್ರಿ ವೇಳೆ ಪದೇ ಪದೇ ಮೂತ್ರ ವಿಸರ್ಜಿಸಬೇಕು ಅಂತ ಅನಿಸುವುದು. ಯಾಕೆ ಈಗಾಗುತ್ತದೆ.
ಪದೇ ಪದೇ ಮೂತ್ರವಿಸರ್ಜನೆ ಇದನ್ನು ಸಾಮಾನ್ಯವಾಗಿ ಪಾಲಿಯೂರಿಯ ಅಂತಲೂ ಕರೆಯುತ್ತಾರೆ. ನಮ್ಮ ರಕ್ತದಲ್ಲಿನ ಸಕ್ಕರೆ ಅಂಶವು ಮೂತ್ರದಲ್ಲಿ ಹೊರ ಹಾಕುವಷ್ಟು ಹೆಚ್ಚಾಗಿರುತ್ತದೆ ಎನ್ನುವುದು ಇದರ ಸಂಕೇತ.

ನಮ್ಮ ಮೂತ್ರಪಿಂಡ ಅಥವಾ ಕಿಡ್ನಿಗೆ ಗ್ಲುಕೋಸ್ (ಸಕ್ಕರೆ) ಪ್ರಮಾಣವನ್ನು ನಿಭಾಯಿಸಲು ಆಗದಿದ್ದಾಗ, ಅದರಲ್ಲಿ ಸ್ವಲ್ಪ ಭಾಗವನ್ನು ನಮ್ಮ ಮೂತ್ರಕ್ಕೆ ಹೋಗಲು ಬಿಡುತ್ತದೆ, ಆಗ ಮೂತ್ರ ಜಾಸ್ತಿ ಆಗಿ ನಾವು ಪ್ರತೀ ಬಾರಿಯೂ ಮೂತ್ರ ವಿಸರ್ಜಿಸಬೇಕು ಎಂದು ಅನಿಸುತ್ತದೆ.

ಸಾಮಾನ್ಯವಾಗಿ ಯಾಕೆ ನಾವು ಇದನ್ನು ನಿರ್ಲಕ್ಷಿಸುತ್ತೇವೆ?

•  ಓ ರಾತ್ರಿ ನಾನು ಜಾಸ್ತಿ ನೀರು ಕುಡುದು ಮಲಗಿದ್ದೆ ಆದ್ದರಿಂದ ಈಗಾಗಿರಬಹುದು ಎಂದು .
•  ಇ೦ದು ಸ್ವಲ್ಪ ಚಳಿ ಜಾಸ್ತಿ ಇರುವುದರಿಂದ ಈಗಾಗಿರಬಹುದು ಎಂದುಕೊಳ್ಳುವುದು.
•  ಇಲ್ಲ ಏನೋ ಸ್ವಲ್ಪ ಇನ್ಫೆಕ್ಷನ್ ಆಗಿದೆ ಎಂದು ನಿರ್ಲಕ್ಯ ಮಾಡುವುದು .

ಈ ರೀತಿ ಪ್ರತಿ ಸಾರಿಯೂ ಆಗುತ್ತಿದೆ ಅಂದರೆ ಅದಕ್ಕೆ ಸೂಕ್ತ ವೈದ್ಯರ ಸಲಹೆ ಮುಖ್ಯವಾಗಿರುತ್ತದೆ.

2. ಅತಿಯಾದ ದಾಹವಾಗುವುದು:
ಯಾಕೆ ಯಾವಾಗಲೂ ದಾಹವಾಗುತ್ತೆ ಇದು ನಾರ್ಮಲ್ ಅಂತ ಕೇಳಬಹುದು. ಯಾವಾಗಲೂ ದಾಹವಾಗುವುದು ನಾರ್ಮಲ್ ಅಲ್ಲ.
ನಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟ ಜಾಸ್ತಿ ಆದಾಗ, ಕಿಡ್ನಿಗಳು ಜಾಸ್ತಿಯಾದ ಗ್ಲುಕೋಸ್ ಅನ್ನು ಪಿಲ್ಟ್ ರ್ ಮಾಡಲು ಆಗುವುದಿಲ್ಲ, ಆಗ ರಕ್ತದಿಂದ ಸಕ್ಕರೆ ಯನ್ನು ತೆಗೆಯಲು ನಮ್ಮ ದೇಹ ಬೇರೆ ಬೇರೆ ಅಂಗಾಂಗಳಿಂದ ನೀರನ್ನು ಎಳೆಯುತ್ತದೆ, ಇದು ದೇಹದಲ್ಲಿ ನೀರಿನಾಂಶ ಇಲ್ಲದ ಹಾಗೆ ಮಾಡಿ ನಾವು ನೀರು ಕುಡಿಯುತ್ತಿದ್ದರೂ ತುಂಬಾ ಬಾಯಾರಿಕೆ ಆಯಾಗುತ್ತದೆ.

3. ದೇಹದ ತೂಕ ಕಡಿಮೆಯಾಗುವುದು:
ನಮಗೆ ಟೈಪ್ 2 ಮಧುಮೇಹ ಇದೆ ಎಂದು ಗೊತ್ತಾಗಲು ಮತ್ತೊಂದು ಲಕ್ಷಣ ನಮ್ಮ ದೇಹ ನಿರಂತರವಾಗಿ ತೂಕ ಕಡಿಮೆ ಆಗುತ್ತಿರುವುದರಿಂದ.
ಯಾಕೆ ಈಗಾಗುತ್ತದೆ ಎಂದರೆ,
ನಮ್ಮ ದೇಹಕ್ಕೆ ಇನ್ಸುಲಿನ್ ಕೊರತೆ ಜಾಸ್ತಿಯಾದಾಗ ಅದು ದೇಹದಲ್ಲಿರುವ ಸಕ್ಕರೆ ಅಂಶವನ್ನು ಶಕ್ತಿಯನ್ನಾಗಿ ಪರಿವರ್ತಿಸಲು ಆಗದಿದ್ದಾಗ, ನಮ್ಮ ದೇಹದ ಕೊಬ್ಬು, ಮತ್ತು ಮಾಂಸಖಂಡಗಳನ್ನು ನಿಧಾನವಾಗಿ ತಿನ್ನಲು ಪ್ರಾರಂಭಿಸುತ್ತದೆ. ಇದರಿಂದ ನಾವು ದಿನೇ ದಿನೇ ತೂಕ ಕಳೆದುಕೊಳ್ಳುತ್ತೇವೆ, ನಮ್ಮ ಮಾಂಸಖಂಡಗಳ ಶಕ್ತಿ ಕಡಿಮೆ ಆಗುತ್ತದೆ, ನರಗಳ್ಲಲಿ ದೌರ್ಭಲ್ಯ ಉಂಟಾಗುತ್ತದೆ, ಮತ್ತೆ ರೋಗನಿರೋಧಕ ಶಕ್ತಿ ದೇಹದಲ್ಲಿ ಕಡಿಮೆ ಆಗುತ್ತದೆ.

4. ಹೆಚ್ಚು ಹಸಿವಾಗುವುದು.
ಟೈಪ್ ೨ ಮಧುಮೇಹ ಇರುವವರಿಗೆ ಊಟ ತಿಂದರೂ ಸಾಮಾನ್ಯಕ್ಕಿಂತ ಹೆಚ್ಚು ಹಸಿವಾಗುತ್ತದೆ. ಯಾಕೆಂದರೆ ನಮ್ಮ ದೇಹಕ್ಕೆ ಬೇಕಾದಷ್ಟು ಶಕ್ತಿ ಜೀವಕೋಶಗಳಿಗೆ ಒದಗಿಸಲು ಸಾಧ್ಯವಾಗುವುದಿಲ್ಲ ಆದ್ದರಿ೦ದ ಈ ಸಮಸ್ಯೆ ಆಗುತ್ತದೆ.

5. ಅತೀ ಎಚ್ಚು ಸುಸ್ತಾಗುವುದು:
ನಾವು ಎಷ್ಟೇ ತಿಂದರೂ ನಮಗೆ ಶಕ್ತಿ ಸಿಗುವುದಿಲ್ಲ ಸುಸ್ತಾಗುತ್ತದೆ, ಎಷ್ಟೇ ಸುಧಾರಿಸಿಕೊಂಡರೂ ಹೆಚ್ಚು ಧಣಿವಾಗುತ್ತದೆ. ಯಾಕೆಂದರೆ ದೇಹಕ್ಕೆ ಗ್ಲುಕೋಸ್ ಪ್ರಮಾಣ ಸರಿಯಾಗಿ ಸಿಗದೇ ಇರುವುದೇ ಇದಕ್ಕೆ ಕಾರಣ.
ಇದು ಟೈಪ್ 2 ಮಧುಮೇಹ ಇರುವ ಪ್ರಮುಖ ಲಕ್ಷಣ.

6. ಕಣ್ಣಿನ ದೃಷ್ಠಿ ಮಸುಕಾಗುವುದು:
ರಕ್ತದಲ್ಲಿನ ಅಧಿಕ ಸಕ್ಕರೆ ಪ್ರಮಾಣ ನಮ್ಮ ಕಣ್ಣಿನ ನರಗಳ ಮೇಲೆ ನೀರ ಪರಿಣಾಮ ಬೀರಿ ಕಣ್ಣು ಮಸುಕಾಗುವುದು ಮತ್ತು ಕಣ್ಣುಗಳು ಊತ ಬರುವುದು ಆಗುತ್ತವೆ.
ಇದರಿಂದ ಓದುವುದು, ಬರೆಯುವುದು ಕಷ್ಟವಾಗುತ್ತದೆ, ಇದು ಮಧುಮೇಹದ ಒಂದು ಲಕ್ಷಣವಾಗಿದೆ.

7. ಗಾಯಗಳು ಬೇಗ ವಾಸಿಯಾಗದಿರುವುದು:
ನಮಗೆ ಟೈಪ್ 2 ಮಧುಮೇಹ ಇದೆ ಎಂದು ತಿಳಿಯಲು ಈ ಅಂಶ ಮುಖ್ಯವಾಗಿದೆ. ಯಾವುದಾದರು ಸಣ್ಣ ಗಾಯಗಳಾದರೂ ಅದು ವಾಸಿ ಆಗಲು ತುಂಬಾ ಸಮಯ ತೆಗೆದುಕೊಳ್ಳುತ್ತದೆ. ಯಾಕೆ ಈಗಾಗುತ್ತದೆ ಅಂದರೆ,
ರಕ್ತ ಸಂಚಲನ ನಿಧಾನವಾಗುತ್ತದೆ, ಹೆಚ್ಚು ಸಕ್ಕರೆ ಅಂಶ ನಮ್ಮ ಇಮ್ಮ್ಯೂನಿಟಿ ಯನ್ನ ವೀಕ್ ಮಾಡಿರುತ್ತದೆ, ಇದರಿಂದ ನಮ್ಮ ಬಿಳಿ ರಕ್ತ ಕಣಗಳು ಕೆಲಸ ಮಾಡುವುದನ್ನು ಕಡಿಮೆ ಮಾಡುತ್ತವೆ.

8. ಕೈ ಕಾಲುಗಳಲ್ಲಿ ಉರಿಯುವ ಅನುಭವ:
ಸಕ್ಕರೆ ಅಂಶ ಜಾಸ್ತಿ ಆದಾಗ ನಮ್ಮ ಅಂಗೈ ಮತ್ತು ಪಾದಗಳಲ್ಲಿ ಇರುವೆ ಕಚ್ಚಿದರೆ ಆಗುವ ಅನುಭವ ಆಗುತ್ತದೆ. ಮತ್ತು ಕಾಲ ಕಳೆದಂತೆ ಸುಡುವ ಅನುಭವ ಕೆಲವರಲ್ಲಿ ಉಂಟಾಗುತ್ತದೆ.

9. ಗಮನದ ಕೊರತೆ:
ರಕ್ತದಲ್ಲಿನ ಸಕ್ಕರೆ ಪ್ರಮಾಣ ಹೆಚ್ಚಾಗುವುದರಿಂದ ಒಂದು ಕಡೆ ಗಮನ ಹರಿಸಲು ಸಾಧ್ಯವಾಗುವುದಿಲ್ಲ ಮನಸ್ಸು ಚಂಚಲ ಸ್ಥಿತಿ ನಿರ್ಮಾಣವಾಗುತ್ತದೆ.
ಮೂಡ್ ಸ್ವಿಂಗ್ ಆಗುತ್ತದೆ, ಏನನ್ನಾದರೂ ಯೋಚಿಸುವ ಶಕ್ತಿ ಕಡಿಮೆ ಆಗುತ್ತದೆ, ನೆನಪಿನ ಶಕ್ತಿ ಕಡಿಮೆಯಾಗುತ್ತದೆ.